Архив : 2009 - 12
Бичлэгийн тоо : 15 |
Дэлгэцэнд : 1-8
“Мини НҮБ-2”
2009-12-30 13:19
“Мини НҮБ-2”
“Нэг Ертөнц – Өсвөр үе” хүүхдийн оролцооны байгууллага Монголд НҮБ-ын чуулга, уулзалт, загвар чуулганыг 1998-2003 он хүртэл амжилттай хэрэгжүүлсэн билээ. Нийгмийн идэвхи санаачлагатай мянга мянган хүүхдүүд “Нэг Ертөнц – Өсвөр үе” байгууллагын чуулга уулзалтуудыг тэсэн ядан хүлээдэг байсны нэг нь “Мини НҮБ” үндэсний Ассамблейн чуулган юм. 2001 оны 12 сарын 09-11-ны хооронд Чингис зочид буудал, Олон Улсын Хүүхдийн Найрамдал Төвд хүүхдийн улс орнуудыг төлөөлж Тулхтай хөгжил, ХДХВ/ДОХ зэрэг асуудлуудаар төлөөлсөн улс орныхоо байр суурийг илэрхийлж тунхаг бичгийг гаргаж байв. Миний хувьд “Мини НҮБ-2” чуулганыг зохион байгуулах боломж олдсон юм. Ингээд дурсамж болгох үүднээс дараах зургуудыг тавьлаа дурсамжаа сэтгэгдэлд хүүрнэн өгүүлээд эргэн дурсацгаая сайхан цагаа. Мөн Өнөөдрөөс Бид нэг Ертөнцийнхөн буланг нээж байгаагаа мэдэгдэе. Нэг ертөнцөд байсан хүн бүр өөр өөрсдийн дурсамжаа сийлж, зургаа үлдээж, бие биетэйгээ холбоотой байна гэдэгт найдаж байна.
Эссэ хэрхэн бичих вэ? зөвлөгөө
2009-12-22 16:00
Нилээдгүй уншигчид маань эссэ хэрхэн бичих вэ? гэсэн асуултыг тавьж байсан. Youtube-eer хэсэж байтал Outline хэлбэрээр эссэ хэрхэн бичих тухай зөвлөгөө байна үзээрэй.
Үргэлжлэлийг үзэхийг хүсвэл дэлгэрэнгүй уншТөр зах зээлд хутгалдвал өлсгөлөн, ядуурал угтдаг
2009-12-21 04:53
Төр зах зээлд хутгалдвал өлсгөлөн, ядуурал угтдаг
Социалистууд нийгэм дэх үйлдвэрлэлийг юу хамгийн үр дүнтэй болохыг тооцоод гаргачихдаг инженерчлэлийн асуудал мэт үздэг. Людвиг Фон Мизес
Зах зээл бол инженерчлэлийн тооцоолол биш. Зах зээл бол үйлдвэрлэгч, хэрэглэгчдийн хоорондын худалдах, худалдан авах харилцаа юм. Үйлдвэрлэгчид хэрэглэгчдийн эрэлт хэрэгцээ, худалдан авах чадварыг тодорхой мэдээллийн үндсэн дээр тооцоолон үйлдвэрлэлийн бүтээгдэхүүнээ боловсруулдаг. Үйлдвэрлэгчдийн мэдээллийн систем бол чөлөөт зах зээлийн нийгэмд үнийн систем болдог. Харин социализмд тэрхүү хэрэглэгчдийн хүсэл зоригийг илэрхийлсэн мэдээллийн / үнийн / систем байдаггүй юм.Социализм зах зээлийг инженерчлэж, үнэ, үйлдвэрлэлийн хэмжээг төрөөс тогтоосноороо тооцооллын систем ажиллана гэж үздэг. Гэвч хүний хүслийг тооцоолох боломжгүй юм. Зах зээл бол хязгааргүй хэрэгцээг хязгаарлагдмал нөөцөөр хангах эдийн засгийн нэгэн институт билээ. Тийм байтал хүний хүслийг тооцоолж, түүнд нь тааруулсан бүтээгдэхүүнийг яаж үйлдвэрлэх билээ. Социализмд төр зах зээлийн үйл ажиллагаанд оролцож хэрэглэгчдийн худалдан авах чадварыг тэгш байлгахыг зорьдог. Гэвч хүний хүслийг тэгшитгэж / эгалитари / болохгүй.
Ц.Элбэгдорж: Дэлхийн 110 гаруй лидерийг нэгэн дээвэр дор, нэгэн зорилгоор цуглуулж чадсанаараа Копенгаген бол
2009-12-18 20:32
Хурлын дарга аа,
Хүндэт зочид, төлөөлөгчид өө
.jpeg)
Уур амьсгалын өөрчлөлтийн асуудлаархи энэхүү бага хурлыг үзэсгэлэнт сайхан Копенгаген хотноо өндөр түвшинд зохион байгуулж байгаа Данийн Засгийн газарт талархлаа илэрхийлье.
Уур амьсгалын өөрчлөлтөд өртөж байгаа орнуудын нэг болох Монгол Улсаас би хэлэх үгтэй ирлээ. Бидний буруу үйлдлээс үүдэлтэй энэ алдааг засч болох санал санаачлагатай ирлээ.
Мөсөн уул хайлж, дэлхийн нам дор газрууд усанд автах аюул нэмэгдэж байгаа бол, дэлхийн өндөрлөг газар нутаг хуурайшиж, цөлжиж байна. Уур амьсгалын өөрчлөлийн бас нэгэн үр дагавар болох элс, түйрэн, хуурай шорооны дэгдэлт нэмэгдэж, улам бүр хуурайшиж байна. Монгол бол тэдгээр орнуудын нэг юм. Хуурай газарт уур амьсгал хэрхэн өөрчлөгдөж, нөлөөлж байгааг харж болох тод жишээ бол Монгол Улс юм. Газар нутгийн маань 70 орчим хувь нь хатаж гандлаа. Жилийн дөрвөн улирлын зааг ялгаа бүдгэрч, гол горхины маань гуравны нэг нь хатаж байна. Өвөл зуны агаарын температурын хэлбэлзэл 100 градус хүрч байна.
Уур амьсгалын өөрчлөлт байгаль орчинд төдийгүй бидний амьдралын хэв маягт нөлөөлж эхэллээ. Олон зуун жил байгаль орчинтойгоо зохицон амьдарч ирсэн бахдам түүхтэй соёл иргэншилд маань заналхийлж байна. Малчин ардын маань амьжиргааны эх үүсвэрт нөлөөлөхөөс гадна олон хүний амьд байх эсэхэд аюул занал учруулж байна. Урьд цагт байгалийн гамшиг болоход монголчууд хол нүүгээд явчихдаг байсан. Хатуу хил хязгаартай болсон одоо цагт бол бид нүүж чадахаа байлаа.
АРИСТОТЕЛИЙГ ӨМӨӨРӨХҮЙ
2009-12-18 20:08
АРИСТОТЕЛИЙГ ӨМӨӨРӨХҮЙ
Боолчлол бол жам ёсны үзэгдэл
Аристотель
Нийгэм хөгжих, хувьсахын хэрээр шинжлэх ухааны олон олон үзэл санаанууд, филисофийн чиглэл урсгалууд бие биенээ үгүйсгэсээр хорин нэгдүгээр зуунтай золгоод байна. Өрнө, дорно өөд өөдөөсөө соёл, зан заншил, эрдэм мэдлэгээ солилцох болсон энэ л үед туйлшрал зах хязгааргүй тэнгис мэт заримдаа үзэгдэнэ.
Эртний грек, ромын сэтгэгчдийн үзэл санаа, онч мэргэн үгсээр өөрийгөө цэнэглэж, улс төр, хууль хоёрыг судлаж яваагийн хувьд зарим нэг туйлшралтай нүүр тулан үзэл бодлоо илэрхийлэхээс өөр аргагүйд хүрсэн юм.
Интернет, вэб хуудас гарчиглаж суутал Аристотелийг өмөөрөхүй гэсэн гарчигтай нэгэн нийтлэл харагдлаа. Сонирхон уншвал Боолчлол бол жам ёсны үзэгдэл хэмээн Аристотель хэлсэн байдаг. Магадгүй түүний ч зөв биз эрдэм мэдлэггүй хүмүүс нийгэмд боолчлогддог, харин нийгэм үргэлж хөдөлмөр, оюун ухаантнуудад сөхөрдөг гэсэн туйшралыг уншаад боолчлолын талаарх өөрийн үзэл бодлоо хуваалцахыг зорьлоо.
Төрийн албаны шалгалтанд бэлдэх зөвлөгөө 2
2009-12-14 13:46
Шалгалтад бэлтгэх үе шат. Шалгалтанд бэлтгэхдээ дараах хэд хэдэн зүйлийг анхаарах хэрэгтэй.
• Хувийн зохион байгуулалтаа хийх. Хувийн зохион байгуулалтаа бий болгох хэрэгтэй. Учир нь төрийн албаны шалгалт өгөх буй хүн нь ихэвчлэн ажилтай, цаг зав муутай байдаг. Тиймээс бэлтгэлээ цөөн хугацаанд, үр дүнтэй бэлдэх нь чухал. Өдөр бүр өөрт 30-60 минутыг шалгалтандаа зарцуулж зурагт, интернет, хөгжим, утаснаасаа хөндийрч энэ цагийг зөвхөн шалгалтандаа бэлтгэхдээ зарцуул. Тиймээс би танд нэг бол гэртээ хэн ч саад болохгүй орчин бүрдүүлэх, эсхүл номын санд бэлтгэх гэсэн хоёр зөвлөгөөг өгч байна. Ихэвчлэн хүмүүс шалгалтанд бэлдэж чаддаггүй. Учир нь хүмүүс бэлдэх орчноо бүрдүүлээгүйгээс гадна сэтгэл зүйн хувьд шалгалтанд бэлтгэх нь шалгалт өгөхөөс илүү чухал гэдгийг тоомсорлодоггүйд байгаа юм. Хөлбөмбөгчин хичнээн сайн чадвартай байгаад бэлтгэх хийхгүйгээр тэмцээнд орвол түрүүлж чаддаггүйг санах хэрэгтэй. Бас тэрхүү бэлтгэл нь ганц өдөр байдаггүй гэдгийг сана. Нэг өдөр 24 цаг бэлтгэлдээ зарцуулах юм бол тэр ямар үр дүнгүй бэлтгэл харин өдөрт 1 цаг 24 өдөр бэлтгэх юм бол хамгийн үр дүнтэй арга. Мэдээж хугацаа давчуу үед өдөрт 2 цаг байвал илүү зохимжтой. Тиймээс өөрийнхөө өдрийн төлөвлөгөөг шинэчлэх хэрэгтэй.
• Тесттэй ажиллах.
Төрийн албан хаагчийн шалгалтанд бэлтгэх зөвлөгөө 1
2009-12-14 04:14
Төрийн албан хаагчийн шалгалтанд бэлтгэх зөвлөгөө
Блогт зочлогсод маань төрийн албаны шалгалтыг ихээхэн сонирхож байсан учир өөрийн туршлагаасаа төрийн албаны шалгалтанд хэрхэн бэлтгэх талаар зөвлөгөө өгье гэж бодлоо. Энэ удаад Шалгалтанд бүртгүүлэхдээ анхаарах зүйлсийг бичлээ. Дараагийн мэдээнд шалгалтанд бэлтгэхэд анхаарах зүйлс, шалгалт өгөхөд анхаарах зүйлс гэсэн 3 цуврал мэдээлэл өгөхөөр бэлдсэн юм.
1. Бүртгүүлэх
Төрийн албаны шалгалтанд тэнцэх хамгийн чухал үе бол Шалгалтанд бүртгүүлэх байдаг. Учир нь ихэнх хүмүүс бүртгүүлж л байвал аль байгууллагад гэх нь хамаагүй мэт боддог нь маш том алдаа гаргахад хүргэдэг. Өнгөрсөн 2009 оны 5 сард болсон шалгалтын үеэр тестийн шалгалтанд тэнцэгчдийн бараг 30% нь анх бүртгүүлэхдээ хэтэрхий өндөр шалгууртай байгууллагад бүртгүүлсэнээс бичиг баримт нь тухайн / тусгай / шаардлагад нийцээгүйн улмаас хасагдаж байсан. Жишээ нь: УИХ-ын Тамгын Газарт нэг орон тоонд Төрийн албанд 5-аас доошгүй жил ажилласан гэсэн шаардлагад 2 жил ажилласан этгээд бүртгүүлээд ажилласан жил хүрэхгүй байсан тул хасагдсан. Уг нь тухайн этгээд тестийн шалгалтандаа 54 оноо авчихсан байсан юм. Иймээс бүртгүүлэхдээ дараах нийтлэг алдааг анхаараарай.
•
Монгол Улсын Ерөнхийлөгч Цахиагийн ЭЛБЭГДОРЖ Ардчилсан Хувьсгалын 20 жилийн ойд зориулсан Улсын Их Хурлын хүндэтгэлийн Чуулганд хэлсэн үг
Эрх чөлөөт Монголын ард иргэд ээ,
Эрхэм төрийн түшээд, хүндэт зочид оо,
Монголын ард түмний нийтлэг ололт болох Ардчилсан Хувьсгалын ойн баярын мэнд хүргэж ардчилал, эрх чөлөөний үйл хэрэгт бие сэтгэлээ үл хайрлан зүтгэгч нийт иргэддээ чин сэтгэлийн халуун талархал илэрхийлье.
Одоогоос яг 20 жилийн өмнө энэ цаг мөчид Монгол оронд ардчилсан хөдөлгөөн үүссэнийг тунхаглаж зорилго, үйл ажиллагаагаа олон нийтэд зарлаж байсан. Ардчиллын төлөө тэмцэл амар хялбар байгаагүй. Харин ололт амжилт нь нийтлэг байсан. Ардчилсан хувьсгал бол Монголын ард түмний хамтын бүтээл, түүхэн бахархал.
Сурталчилгаа
firefox
Та зочлоод үзээрэй
tandalt
